Tuesday, October 14, 2014

കണ്ണുനീരും കിനാക്കളും...


പതിനാലാം രാവിൽ പാൽനിലാ തിങ്കൾ –
പുഞ്ചിരി തൂകിക്കൊണ്ട് എന്നോട് ചോദിച്ചു …
“ഭൂമിയിൽ നീ കണ്ട ഏറ്റവും –
മനോഹരമായ വിശേഷം എന്താണ് …? ”

തെല്ലോരിടവേള തീർത്തു ഞാൻ പറഞ്ഞു …

“ഖലീൽ ജിബ്രാന്റെ കഥനവും
ഇഖ്‌ബാലിന്റെ ദാർശനികതയും
1001 രാവുകളുടെ കുളിർമയും-
-പിന്നെ ;
അമ്മയുടെ താരാട്ടിന്റെ ഈണവും
അച്ഛന്റെ ശാസനയുടെ താളവും
‘അവളുടെ’ കസവു തട്ടവും മൈലാഞ്ചിക്കയ്യും
പിന്നെ -

എന്റെ കണ്ണുനീരും കിനാക്കളും …! ”

2 comments: