ആകാശത്തിന്റെ നീല വിഹായസ്സിൽ

ആകാശത്തിന്റെ നീല വിഹായസ്സിൽ,
രാത്രിയുടെ  കുളിരൂറുന്ന  നിശബ്ദതയിൽ,
പൂവിന്റെ  തേനൂറുന്ന പുഞ്ചിരിയിൽ,
തളിരിലകളുടെ  നനുത്ത  മർമ്മരങ്ങളിൽ,
വെണ്ണിലാവിന്റെ നൈർമല്യത്തിൽ,
പുലർകാല  സൂര്യന്റെ -
വർണ  രാജികളിൽ,
പൂമ്പാറ്റയുടെ   പൂഞ്ചിറകിൽ,
ഇന്നലെയുടെ  പുസ്തക  ചുരുളുകളിൽ,
നാളെയുടെ  സുന്ദര  സ്വപ്നങ്ങളിൽ,

എന്റെ  കണ്ണുനീരിൽ,
നിന്റെ  മന്ദഹാസങ്ങളിൽ,
എന്നെ  ഞാനാക്കിയ-
നിന്നെ  നീയാക്കിയ-
ഒരീശ്വര സാന്നിധ്യം ഞാനറിയുന്നു...!